OROIMEN HISTORIKOARI BURUZKO ERAKUSKETA

Non: Galdakaoko Torrezabal kultur etxean

Noiz: Apirilaren 25ean 19:00etan

SARRERA DOHAINIK





Galdakaoko bonbardeaketaren 75.urteurrena oroitzeko, Galdakao Gogora elkarteak beste eragile batzuen laguntzarekin antolatu duen erakusketa ikustera joango gara bihar.
Elkarteko kide batek argazki eta dokumentuen azalpena emango digu.

ARGI IBILI ERAKUSKETA IKUSTEKO AZKEN EGUNA APIRILAK 27 DA ETA.

"Porrotaren alde" hitzaldiko argazkiak

Gandasegi herri ikastetxearen 100.urteurrena ospatzeko egitarauak Alberto Iñurrategi mendizale handia hurbilagotik ezagutzeko aukera eman zigun. Kirolari atxabaltarrak porrotak ekar ditzakeen lekzioez hitz egin zigun. Gainera, adi-adi entzuten genion bitartean, bere ibilbide profesionalean atera dituen hainbat argazki eder ikusi genuen.

 Hitzaldia bukatu zenean bertaratu ginenon txanda heldu zen.
Mikrofonoa eskuan hartu eta mendiaren inguruko galdera mordoa egin zion mendizale batek baino gehiagok, eta Albertok jator-jator erantzun zion jakin-mina zeukan orori.

ZORIONAK GANDASEGI Alberto eta berbalagunon partez

ALBERTO IÑURRATEGIREN HITZALDIA

Eguna: Apirilak 19, osteguna

Ordua: 19:00etan


Lekua: Gandasegi ikastetxea (Galdakao)

Sarrera DOHAINIK





 Munduan ospe handikoa dEn Alberto Iñurrategi mendizaleak Gandasegin berba egingo du ostegun honetan porrotaren lekzioei buruz Gandasegi herri ikastetxearen ehungarren urteurrenaren programa barruan. Hitzaldiaren izenburua: "Porrotaren alde". Ekintza hau jente guztiarentzat zabalik dago, ikastetxe bereko gela balioaniztunean. Hitzaldia euskeraz izango da.

Labur Bira

Interesgarria benetan Euskarabilaren eskutik ikusi ahal izan genuen LABUR BIRA film laburren IX.zirkuitukoa.

Bost film laburrek osatu zuten emanaldia: Hemen nago, Izena duena, Urrezko eraztuna, Aberria eta argazkian duzuen David Zabalak zuzendutako Ohe azpiko zera.

Emanaldiaren ostean aipatutako zuzendariak bere lanbidearen inguruko hitzaldia eman zuen entzuleek egin zizkioten galderei erantzunez.

Emanaldira Basauriko eta Galdakaoko  zenbait berbalagun joan ginen.
Bistan da Hego-Uribeko berbalagunen arteko harremanak osasun ona duela.

Hurrengoan Galdakaora etorri, besoak zabalik itxarongo dizuegu eta.

Urtero legez, aurten ere sagardotegiarekin dugun zitari ez diogu uko egin. 

Iaz, Enkarterri, Meatzalde, Ezkerralde eta Aiaraldeko berbalagunekin batera Astigarraga eta Hernaniko kaleak bete genituen bertara joan ginen 120 lagunok. Aurten, Hego-Uribeko 90 berbalagun, ikasle eta irakasle kupel artean egun ederra pasatzera animatu gara.

Eguerdiko 12:00etan herritik irten eta 13:30erako tabernaz taberna motorrak berotu genituen Astigarragan.

Tripa-zorriak hasi zitzaizkiguean Etxeberria sagardotegirantz abiatu ginen. Hasiera batean bidaia laburra ematen zuena dexente luzatu zen autobus gidariek ez baitzuten aukeratu biderik zuzenena. Baina tira, eurengatik izan ez balitz ez genuen ezagutuko Gipuzkoa sakona. Hori errepide kaskarra!

Ia kupel guztietako sagardoa dastatu ostean Hernanitik egin genuen osteratxoa.

Herriko plazara heldu orduko txaranga baten musika alaiarekin egin genuen dantza. Eskerrak txarangari, tabernetan sartzeko apenas lekurik ez zegoen eta. Hala ere, goxo-goxo egon ginen kalean zein tabernetan etxera bueltatzeko ordua heldu zen arte. Beno, etxera nekatuen zeudenak, animosoenek herrian juerga jarraitu zuten eta. Badakizue, betiko kontua...

Datorren urtean itzuliko gara, dudarik ez egin!