URTARRILEKO AGENDA

 

Gabonetako pintxo lehiaketa

 

Urte honi bukaera emateko lehiaketa bat proposatzen dizuegu.

 

Sukaldean ondo moldatzen zara? pintxoak egitea gustatzen zaizu?

 

Ba animatu eta parte hartu gure gabonetako pintxo lehiaketan! 

                                           PRAKTIKATU ETA BIZI!

Makrame tailerra

 

Begano tailerra

 

Makrame tailerra

 

     Urtea bukatzeko azken ekintza antolatu dugu: Makrame tailerra.

     Eskulanak gustatzen zaizkizu? ala ikasi nahi duzu? Oraingoan aukera polita izango dugu horretarako.

     Animatu eta parte hartu!!! Oso ondo pasatuko dugu!!!!

   

                                    PRAKTIKATU ETA BIZI!!!!!!

Sukaldaritza begano tailerra

  Urteari bukaera emateko sukaldaritza begano tailerra antolatu dugu.

  Osasuntsu jaten duzue? ala jan nahi duzue? Ba hemen daukazue aukera ezin hobea !

Animatu eta etorri gurekin parte hartzera!! Oso ondo pasatuko dugu!

                                        PRAKTIKATU ETA BIZI!!

ABENDUKO AGENDA

 

Fernando Bediaga bidelagun beteranoa joan zitzaigun atzo

 

 

2020.urtea ez dugu erraz ahaztuko. Urte latza izaten ari da guztiontzat arlo guztietan, eta Galdakaoko Berbalagunen beste hutsune handia izango dugu hemendik aurrera. Fernando Bediaga hil zen atzo, proiektu honen sorreratik taldeak dinamizatzen ibilitako bidelaguna. Fernandok euskara hobetzen eta praktikatzen lagundu dio herriko jende askori. Duela urte asko AEKn ibili zen irakasle, eta, azken 15 urteotan, Berbalagunen aritu da buru belarri, jendeari euskalduntzeko bidea errazten. Argazki eta oroitzapen asko gordeko ditugu betiko, baina gaurkoan, 2007ko kanpainan ateratakoa gogoratu nahi dut, egitasmoarekiko izan duen konpromisoa goraipatzeko. 

 

 

 

 

Irailean, omenaldi polita egin genion Asun Matillari eta gaur zortzi, Euskararen Nazioarteko Egunean, Kontxi Belandiaren txanda izango da. Fernandok beste horrenbeste merezi du, eta hona hemen gure lehen omenaldi txikia. Irudian agertzen diren asteleheneko taldekoek eta bidean ezagutu zaitugun berbalagun guztiok ez zaitugu inoiz ahaztuko, Fernando

 

Etiketak irakurtzeko tailerra

 

Fisioterapia tailerra

 

Elikagaien etiketak nola irakurri

 

Erosketak egiten dituzuenean etiketei erreparatzen diezu? Ulertzen duzu bertan agertzen dena?

Etorri gurekin eta etiketak irakurtzen ikasiko duzu, horrela, modu arduratsuan egingo dituzu erosketak.

Animatu eta eman izena lehenbailehen plaza mugatuak daude eta!!!

 

                                       PRAKTIKATU ETA BIZI!

 

 

FISIOTERAPIA TAILERRA BASAURIN

 

Zenbat aldiz pentsatu duzue egun hauetan fisioarengana joan behar duzuela? Estresa? Mina?

Guk badaukagu konponbidea!

Zuentzat fisioterapia tailerra antolatu dugu. Animatu eta etorri gurekin, asko ikasiko duzue.

Kurtso honen bidez, era errez batean gure gorpuza ezagutu eta beren osotasunean lan egingo dugu.

Apuntatu lehenbailehen plaza gutxi daude eta!

 

                                           PRAKTIKATU ETA BIZI!

 

AZAROKO AGENDA PREST!

 

ABIAN DA ON-LINE BIDEZ BERBALAGUNEN ARITZEKO AUKERA

 

MUSIKO TERAPIA TAILERRA

 

MUSIKOTERAPIA TAILERRA BASAURIN

Musikoterapia tailerra Basaurin!

Musika egunerokotasuneko egoeretan nola aplikatu ikasiko dugu.

Oso ondo pasatuko dugu. Animatu eta parte hartu!!

10 toki baino ez daude (egoerak horrela aginduta), beraz, eman izena lehenbailehen! 

Izena emateko, emailez: hegouribekoberbalagun@gmail.com  edo telefonoz: 645715621

 

PRAKTIKATU ETA BIZI

URRIKO AGENDA

 

MATRIKULAZIO KANPAINA MARTXAN

Iraila bukatzear dago eta urria ate-joka, eta Hego Uribeko Berbalagun dinamika berriro ere martxan! Nahiz eta ikasturte berezia den hau, gure aldetik ahalik eta zerbitzu onena ematen saiatuko gara, urtero bezala, noski!

 

Hortaz, gogorarazi nahi dizuegu Berbalagunen izena emateko epea zabalik dagoela, talde batzuk dagoeneko martxan daudela, eta aukera ederra dela hau euskara praktikatu eta jende berria ezagutzeko!

 

Euskaraz gozatu eta jende berria ezagutzeaz gain, Hego Uribeko Berbalagun izateak hainbat abantaila ditu: Sozial Antzokian eta Torrezabalen egiten diren euskarazko ikuskizunetarako sarrerak debalde lortzeko aukera, AIZU eta ARGIA aldizkariak zein BERRIA egunkaria merkeago eskuratzeko beta, egiten ditugun "erronketan" parte hartu eta sariak irabazteko parada...

Beraz, ez pentsatu birritan eta eman izena!! Kartelean dituzue gurekin harremanetan jartzeko bideak, baina horietaz gain gogoratu Basauri edo Galdakaoko edozein euskaltegitan ere eman daitekeela izena.

Bukatzeko, uda aurretik egin genituen "erronken" irabazle batzuen argazkiak dauzkazue segidan, promesten duguna betetzen dugun seinale!!

 

PRAKTIKATU ETA BIZI!

NARRAZIO LEHIAKETAREN IRABAZLEAK

 

 

 

 

Uda tartean eduki dugu, hori dela eta, narrazio lehiaketaren irabazleen aukeraketa pixka bat atzeratu dugu, baina dagoeneko baditugu garaileak! Honako hauek dira:

A1: Txomin Agirre

A2:  Loli Torres

B1: Iratxe Arrese

B2: Jon Arregi

C1: Naia Mena

EGUZKIBEGI IKASTOLA: Peio Sustatxa

BERBALAGUN: Garazi Maeso

Gogorarazi nahi dugu irabazleek 50 euroko kultura-bonoa irabazi dutela, Basauriko Umeak liburu dendan gastatzeko. Horrela, parte hartzaileak saritzeaz gain, kultura sustatzen dugu, eta kulturaren bultzatzaile den entitate bat laguntzen dugu; gauden egoera ekonomiko honetan uste dugu ezinbestekoa dela kulturari bultzadatxoa ematea.

Beraz, zorionak irabazleei eta konbitea luzatzen diegu Basauriko Bolintxu AEKtik pasatzeko euren bonoa jasotzera!

PRAKTIKATU ETA BIZI

AZKEN ERRONKA: BIZIPENAK KONTATZEKO NARRAZIO LABURRA

Badirudi pixkanaka itxialdia bukatzen doala eta normaltasun berrirantz abiatzen ari garela, eta hori dela eta, Hego Uribeko Berbalagunok ere erronken aroa bukatutzat emango dugu. Baina parte hartze eta irudimen aldetik oparoa izan den garai hau borobiltzeko azken ekintza proposatzen dizuegu: itxialdian izandako bizipenak kontatzeko narrazio laburren lehiaketa! Ekintza guztiz kulturala dela uste dugu, eta edonork parte hartzeko modukoa. Xehetasunak eta bete beharreko puntuak behean dagoen kartelean dituzue!
Ez zalantzarik egin eta bidali zure narrazioa! Narrazio onenek kultura-bonoa jasoko baitute saritzat!

 

ARGAZKIA BALKOITIK/LEIHOTIK ETA KALETIK: IRABAZLEAK

Orain arteko erronka guztietan bezala, parte hartze handia izan dugu azken honetan ere. Beraz, ezer baino lehen eskerrik asko guztioi! Hori dela eta, aitortu behar dugu zaila izan zaigula onenak/politenak aukeratzea, argazkien maila eta originaltasuna handia izan baita! Baina tira, norbaitek irabazi behar zuen  lehiaketa eta hauexek dira hautatu ditugunak; espero dugu zuon gustukoak izatea!

Nuria  Garcia Naveira

(leihotik)

( kaletik)

Itxaso Perez

(balkoitik)

(bertatik)

Zorionak irabazleei! Oso irudimentsuak izan zarete!

8. ERRONKA: ARGAZKIA LEIHOTIK ETA KALETIK

Berrogeialdiari aurre egiteko Hego Uribeko Berbalagunen 8. erronka:

51 egun joan dira kalera irtetea mugatu zigutenetik, eta, zorionez, ematen du amesgaiztoa bere azkenean dela. Hori ospatzeko, argazkiak ateratzen eta mezu laburrak idazten zelan moldatzen zareten ikusi nahi dugu!
Ariketa argazki bat edo bi ateratzean datza, eta argazki horiek zer adierazten dizuten letraz idatzi beharko duzue. Bi ateratzen dituena saia dadila biak erlazionatzen. Argazkien baldintzak hauexek dira:
1- Leihotik/balkoitik argazki bat atera behar duzue eta esaldi bat gehitu
2- Etxetik kanpo zaudetenean, askatasun hori islatzeko, argazki bat atera eta esaldi bat gehitu

Argazkia(k) eta testua(k) bidaltzeko 3 aukera daukazue: (azken eguna: domeka, hilak 10)

1- Zuzenean dinamizatzaileari bidali
2- Euskaltegiko zure irakasleari 
3- hegouribe@aek.eus helbidera

Testuak argazkiari gehitzeko arazorik baduzue, ez keztatu, geuk egingo dugu eta. Eta beti bezala, lan dotoreenak opari sortatxoa edukiko du! Anima zaitezte!
Hementxe duzue adibide bat...

(lehena etxetik)

(bigarrena bertatik)

7. ERRONKA: EMOJIEKIN JOLASEAN

7. erronka honetarako jolas bat proposatu genien Berbalagun, ikasle eta irakasleei.

Goiko irudian dituzue aukeratu zituzten emojiak, tartean jolasa zertan zetzan jakin gabe. Ondoren, aukeratu zuten emoji horren antzezpena-edo egin behar zuten argazki baten bidez, eta hementxe duzue zein irudimentsu jokatu zuten!

Topatu dituzue baliokideak? Kar, kar, kar. Irudimentsu aritu ziren partaideak gero!! Gogotik barre egin genuen batzuen burutazioekin!! Aupa zuek!!
Beti bezala mila esker parte hartu zenuten guztioi, mundialak zarete eta!!

Hurrengo erronkaren zain dagoeneko, ezta? Ba adi-adi jarrai ezazu gure blogga, egunotan proposatuko baitugu datorrena!!

Birusak ez gaitu mututuko!

"PASILLOAN GORA" BIDEOKLIP ARRAKASTATSUA

  

https://www.youtube.com/watch?v=dFsd-zkFXGQ

 

Joan den astelehenean, bideo polita, baina tristea eskaini genion Kontxi Belandia berbalagunari. Gaurkoa, ordea, barrea eragiteko pentsatu genuen berrogeialdiari aurre egiteko dinamikaren barruan.

Hirugarren asteko erronka duzue hurrengo bideoa. Lau aste joan dira ordutik, bideo-muntaia lantsua izan delako eta mimoz egin nahi izan dugulako dena. Emaitza zeuek baloratu beharko duzue, baina gu, behintzat, poz-pozik gaude lortutakoarekin.
Eskerrik asko parte hartu duzuen ikasle eta berbalagun guztioi, eta, batez ere, Janire Egaña, Roberto Awanari eta Itziar Ituñori. Mundialak zarete!

BERBALAGUNIK MAITATUENA JOAN ZAIGU GAUR. AGUR, AMAMA KONTXI!

Luze hitz egin dezakegu Kontxi Belandiari buruz, baina, zalantzarik gabe, euskarari zion maitasuna zen pertsona honen ezaugarririk azpimarragarriena. Hutsune handia utzi du herrian eta gure asteazken goizeko taldean; izan ere, 90 urte izan arren, Kontxi ez zen edozein gauzagatik etxean geratzen zen horietakoa. Aitzitik, udaberrian zein neguan taldera txintxo-txintxo joaten zen beti eta baita antolatzen genituen ekintza guztietara, euskaraz aritzeak ematen baitzion bizipoz eta indar hori.

Gogoan dut Usurbilen egindako 18.Korrikaren aurkezpenera ere etorri zela. Egun pasa luzea egin behar genuen, eta, gainera, kalean. Egoera ikusita, AEK-ko irakasle batek, Kontxik ezer jakin barik, kotxea eramatea pentsatu zuen, hura nekatzean, etxera eta eroso eramateko. Aurrera egin zuten orduek, eta joateko gonbidapena egin zion, baina Kontxik zera erantzun zion: "Ni hemen lotuko naz". Eta halaxe egin zuen, gurekin geratu zen gaua sartu eta etxera bueltatu ginen arte, kaleko txosna batean. Handik egun gutxira harrapatu zuen kotxea batek, eta, hala ere, ekintza guztietara joateko gogotsu jarraitu zuen hobera egin zuenean. Ez dugu ezagutuko bera baino partaide kementsuagorik!

Euskararen alde egiten dugun lana eskertzen zigun beti, baina ez zen konturatzen gerra garaian eta diktaduran bera eta bere belaunaldiko euskaltzaleek egindako ahaleginagatik egin ahal dugula guk orain egiten duguna. Gorazarre pertsona horiei guztiei!

Gaur utzi gaitu, baina transmititutako euskaltzaletasuna eta emandako eredua gurekin geratuko dira betiko. Tira, hori eta emandako mosu guztiak :)

Hona hemen Berbalagun eta AEKide guztion omenaldi txikia

"GORA EUSKADI, IUPI!. GORA GU TA GUTARRAK"

Gora zu!

7. ERRONKA: JOLASA

Hementxe duzue berrogeialdiari aurre egiteko Hego-Uribeko Berbalagunen 7. erronka. Adi argazkiari

Parte hartzeko bidali mezu bat hegouribe@aek.eus helbidera asteartea baino lehen, eta bertan argibideak emango dizkizugu!

Animatu gurekin jolastera, ederki pasatu eta barre itzelak egingo ditugu eta!

BERROGEIALDIARI AURRE EGITEKO 6.ERRONKA: EROGLIFIKOAK

Asteburu honetan Errege Kopako final handia jokatuko zuten Athleticek eta Realak. Horren aitzakian, larunbatean, Bizkaiko milaka balkoi gorriz eta zuriz apaindu ditu jendeak. Zeu ere horietako bat izan zara? Bada, ea Athleticeko zenbat jokalari eta jokalari ohi asmatzen dituzun beheko eroglifikoetan!

Erantzuna hegouribe@aek.eus helbidera bidali, ostirala baino lehen.

Puntu gehien lortzen duten hirurek saria eramango dute. Animo!

 

Eroglifikoen erantzuna eta saridunak

1- San Jose
2- Goikoetxea
3- Bolo
4- Etxeberria
5- Iturraspe
6- Garmendia
7- Urko Vera
8- Lasa
9- Armando
10- Zubiaurre
11-Iraola
12- Iru
13- Irureta
14- Iriondo
15- Aurtenetxe
16- Zarra
17- Aizkorreta
18- Aranzubia
19- Zubizarreta
20- Iraizotz
21- Urtubi
22- Toquero
23- Sarabia
24- Tiko
25- Iribar

Irabazleak (guztiak asmatuta)
- Jimena Velasco
- Arkaitz Gonzalez
- Mikel Aparicio

KORONABIRUSARI AURRE EGITEN: PASAHITZA

Denok ezagutuko duzue telebistan ematen zen "Pasahitza" saioa. Bada orain euskaraz egiteko aukera duzu!! Bete zerrenda eta bidali zure dinamizatzaileari edo hegouribe@aek.eus helbidera. Aste osoa duzue betetzeko, beraz, ondo pentsatu bidali aurretik, bidalketa bakarra onartuko baita!!
Animo eta zorte on!!! Eta nola ez, irabazleek saritxoren bat jasoko dute!!

A- Baserriko animaliei esaten zaie
B- Zarataren sinonimoa
D- Baltzola koba ondoko herriaren izena
E- Eztia sortzen duten animalien "etxea"
F- Hizkuntzak aztertzen dituen zientziaren adarra
G- Burdeos-en itsasoratzen den ibaiaren izena
H- Hil ezin dena
I- Norbere umea hiltzeari esaten zaio
J- Askatu/aske utzi
K- Desagertzear dagoen iberiar penintsulako ugaztuna
L- Euskal dantza tradizionala, taldean bikoteka egiten dena
M- Kafkaren liburu ospetsuena
N- Atomo eta molekulak manipulatzen dituen teknologia
Ñ (tartean)- Erresuma Zaharreko hiriburua
O- Hosto eroriek lurrean sortzen duten geruza
P- Arrakala/zartadura/arrailaren sinonimoa
Q- "Reservoir Dogs" filmaren zuzendariaren izena
R (tartean)- Mesedez eskatu/otoitz egin
S- Bolandera, txaplidue
T- Kaxoiaren sinonimoa
U- Abdujaparov txirrindulariaren sorterria
V- "Urpeko ontzi horia" ezizena duen  futbol taldea   
W- Elhuyar anaiek isolatu zuten elementu kimikoa
X- Lur planetak dituen antzeko bizi-baldintzak dituzten planetei esaten zaie
Z- Loreak lehortu edo ihartzen dira. Sinonimoa 

ERANTZUNAK:
A- Abere
B- Burrunba
D- Dima
E- Erlauntza
F- Filologia
G- Garona
H- Hilezkor/ Hilezin
I- Infantizidioa
J- Jaregin 
K- Katamotza
L- Larrain dantza
M- Metamorfosia
N- Nanoteknologia
Ñ- Iruñea
O- Orbela
P- Pitzadura
Q- Quentin
R- Erregutu (bai mesedez eskatu, bai otoitz egin esateko)
S- Suziria
T- Tiradera
U- Uzbekistan
V- Vilareal
W- Wolframioa
X- Exoplaneta
Z- Zimeldu

Aste honetako partaidetza ikusita, jende askok parte hartu baitu, erabaki dugu irabazle bat baino gehiago egotea. Jarraian irabazleen izen abizenak eta asmatutako hitz kopurua ikusiko duzue. Dinamizatzaileak zuekin jarriko dira kontaktuan saria jaso dezazuen (konfinamendua bukatzean, noski, kar, kar, kar). Zorionak irabazleei eta mila esker parte hartu duzuon guztioi!:

IRABAZLEAK:
1- Nagore Arbaiza: 25 hitz
2- Itziar Barañano: 25 hitz
3- Maite Muñoz: 24 hitz 
4- Ariane Matasanz: 24 hitz
5- Nuria Garcia: 24 hitz
6- Amagoia Olea: 23 hitz

FUROR LEHIAKETA: ABESTIAK EUSKARAZ

- ASTELEHENEKO GAIA: hegaztiak
  Adibide bi: "Enarak" (Nogen), "Nafarroa-Nafarroa" (Gozategi) arranoa
   Irabazlea: Ekain Basterretxea (41 abesti)
   Berbalagun edo ikasle irabazlea: Aitor Ozamiz (25 abesti)

- ASTEARTEKO GAIA: Euskal Herriko herri edo hiriak
  Adibide bi: "Gernika" (Kortatu) eta "Atharratzeko Jauregia" (Benito Lertxundi)
  Irabazlea: Jotxu Martinez (235 abesti)
  Berbalagun / ikasle irabazlea: Basauriko Berbalagun bideo-dei talde berria (38 abesti)

-ASTEAZKENEKO GAIA: edariak
  Adibidez, "Abendua" (Mikel Urdangarin) --> kafea
  Irabazlea: Eneritz Perez (40 abesti)
  Berbalagun / ikasle irabazlea: Natalia Andres (19 abesti) 

- OSTEGUNEKO GAIA: meteorologia
  Adibidez, "Gaur euria egin du" (Deabruak teilatuetan)
  Irabazlea: Maider Ibañez (68 abesti)


-OSTIRALEKO GAIA: "euskara" hitza
 Abididez, "Euskal Herrian euskaraz" (Oskorri)

KORONABIRUSARI AURRE EGITEN: BERTSO ERRONKA

Aurreko astean hasi ginen "koronabirusari aurre egiten" atalarekin, eta bertan Hego Uribeko Berbalagunak animatu genituen etxean egiten zuten jarduera fisikoa grabatzera. Harrera oso ona eduki zuen ekimenak, hortaz, aste honetan beste erronka bat proposatu genien; bertso erronka, hain zuzen ere. Beste behin ere, gure Berbalagunek erakutsi digute mundialak direla!!

Lehen bideo honetan Galdakaoko Aniceto daukagu. Nabaritzen da ez dela "atzo goizean" hasi bertsotan, ezta? Asko dugu berarengandik ikasteko; bertsotan aritzea da horietako bat!

Hurrengo bideoan eskualdeko Mendi taldeko Juan agertzen da. Hori inbidia eman ziguna!! Egoera latz honi errazago aurre egin dakioke halako parajez inguratuta egonda!!

Bideo honetan Basauriko Leire daukagu eta egun ona izan dezagun opa digu! Eskerrik asko Leire! 

Eta bukatzeko, Galdakaoko Arkaitz. Egia da irakurtzen ari dela ematen duela, baina garrantzitsuena parte hartzea da!! Kar, kar, kar.

Hurrengo astean ere erronka berri bat proposatuko dugu: "Sarri sarri" abestiarekin bideoklip bat egitea proposatuko zaie Berbalagunei! Parte hartu nahi? Bada, jarri kontaktuan gurekin eta ipini zure aletxoa! Ondo pasatzeko, barre egiteko eta deskonektatzeko aukera eskainiko digu erronka berri honek, eta zure laguntzarekin errazagoa izango da!! Animo guztioi eta eutsi goiari!!

PRAKTIKATU ETA BIZI! ETA ERRONKEKIN HASI!

KORONABIRUSAK EZ GAITU MUTUTUKO: BIDEODEIAK

Denok dakigu egoera berezi honek hainbat arazo sortu dituela, baina euskaldunok aspaldidanik gara trebeak eguraldi txarrari irribarre batez aurre egiten. Mugikortasunean jarri dizkiguten mugek ekintza asko bertan behera uztera behartu gaituzte, baina Hego Uribeko Berbataldeek aurrera jarraitzen dute, Koronabirusak ez baititu mututu. Euskara praktikatzeko moduak eskaintzen dizkigute teknologia berriek, eta tabernetan elkartu ezin garenez, "bideodeien" bidez ari gara!!

Lehen irudi honetan, egoera honi aurre egiteko espresuki sortu den taldeko partaideak ditugu: bideolagun izena jarri diogu taldeari, kar, kar, kar.

Beste honetan Galdakaoko talde bat dugu, Asier dinamizatzailea (goian eskuinean) bidelagun lanean ari delarik.

Eta azken argazki honetan Basauriko bariku arrastiko taldeko bi partaide Ioritz dinamizatzailearekin batera!!

Ikusten duzuenez, Hego Uribeko Berbalagunok martxan jarraitzen dugu, arazoak arazo eta oztopoak oztopo! Egoera txarretan ere gogotsu segitzen baitugu, eta lehen esan bezala, birusak ez gaituelako mututuko!

PRAKTIKATU ETA BIZI!!

HEGO URIBEKO BERBALAGUNAK KORONABIRUSARI AURRE EGITEN

Koronabirusa dela eta, gutako asko etxean itxita, "gatibu", gaude. Hala ere, Hego Uribeko Berbalagunek ez dute sasoia galdu nahi, horregatik, egoerari umorez aurre egiteko modua bururatu zaie: kirola egiten etxean grabatutako bideoak bidaltzea eguna alaitzeko!

Agerikoa denez, bakarrik zein umeekin grabatu ditzakezue  bideoak, ariketa desberdinak eginez...sormena lantzeko ere aproposa!

Azken honek, ikusiko duzuenez, abesti bat ere eskaintzen digu!! Aupa Leire!! Kar, kar, kar.

Orain zuon txanda da!! Anima zaitezte eta bidali bideoak! Astero bidaltzen diren bideoen artean zozketa egingo da hoberena/barregarriena/originalena aukeratzeko, eta sariren bat irabazteko aukera ere edukiko duzue!! Gainera, bide batez, egoera larri hau jasangarriago egiten lagunduko digu!

O.H.: Bideoa  607146 855 telefonora, hegouribe@aek.eus helbidera edo zuen dinamizatzaileari bidali.

 

MINTZAPRAKTIKA TALDEAK ONLINE

Adi, euskaltzale!!

Etxean egotea gogaikarri egiten ari zaigunez askori, laguntza ematera gatozkizue: mintzapraktika euskaraz online egiteko modua duzue!
Modua erraz-erraza da: euskaldunak bazarete eta etxean bazaudete, zer egin jakin gabe, whatsapp-a erabiliz deskonektatzeko aukera eskaintzen dizuegu. Lau pertsonako taldeak egingo genituzke, eta aplikazioa erabiliz mintzasaioak egiteko erabiliko genuke.

Eguna, ordua eta iraupena nahi duzuena izan daiteke: astean behin 45 minutu; bi egunean behin 30 minutu; egunero 15 minutu... Aukera ugari ematen dizkigute teknologia berriek, bada erabil ditzagun euskaldun sarea egonkortu eta hedatzeko!

Horrez gain, kultura eta barre egiteko bideoak, lehiaketak eta bideoklip bat egiteko ideia ere badugu (proposamenik baduzue, zerbait egiteko prest bazaudete...), beraz, bertan parte hartzeko aukera ere izango duzue!

Beno bada, interesatuta bazaudete jarri kontaktuan gurekin martxoaren 22a baino lehen, taldeak martxan jarri ahal izateko!

Animatuko??